मोरङ । द पावर जिम एण्ड फिटनेस क्लवको आयोजनामा मोरङको पथरीशनिश्चरेमा भएको ‘प्रथम पथरीशनिश्चरे पञ्जा लडाइ खेलकुद प्रतियोगिता’मा विभिन्न तौल समुहमा मौसम, विश्वास र नारायण प्रथम भएका छन् ।
‘फस्ट पथरीशनिश्चरे आर्म रेष्टिङ’ टुनामेन्टमा ६५—७५ वेट समुहमा मौसम लिम्बू, समुन लिम्बू र सुक्र विश्वकर्मा क्रमस प्रथम, दोस्रो र तेस्रो भए ।
त्यसैगरी ५५—६५ किलो तौल समुहमा विश्वास थापा, सुजन विक र प्रवेश लिम्बू प्रथम, दोस्रो र तेस्रो भएका छन् । ५५ किलोभन्दा मुनिको समुहमा नायारायण सुन्दास, आर्यन श्रेष्ठ र उजन तामाङ प्रथम, दोस्रो र तेस्रो स्थान जितेका छन् ।
प्रतियोगिताको निर्णायक झापा दमकबाट शौरभ प्रधानको टोली बोलाइएको थियो । ६५—७५ वेट समुहमा प्रथमहुने खेलाडी मौसम लिम्बू अण्डर १८ प्रतियोगितामा नेपाल प्रथम भइसकेको कार्यक्रम संयोजक बिशाल बर्देबाले बताए ।
विजेता खेलाडीहरुलाई नगद ५ हजार, ३ हजार, २ हजार, मेडल र प्रमाण पत्र कार्यक्रमको प्रमुख अतिथि संविधान सभा सदस्य लालबहादुर सुश्लिङ मगर, भागिरथ मावि विद्यालय व्यवस्थापन समितिका अध्यक्ष परशुराम कार्की, कार्यपालिका सदस्य कल्पना श्रेष्ठ लगायतको हातबाट पुरस्कार प्रदान गरिएको थियो ।
उद्घाटन कार्यक्रममा पथरीशनिश्चरे नगरका पूर्व प्रमुख दिलिपकुमार राई, ३ नम्बर वडा अध्यक्ष बिजय सुब्बा, ७ का अध्यक्ष उध्धप बस्नेत, पथरी जेसीजकी अध्यक्ष निर्माला भट्टराई, जेसीज पूर्व अध्यक्ष अणु राई लगायतको उपस्थिति रहेको थियो ।
द पावर जिमका सञ्चालक लोकबहादुर तामाङको सभापतित्वमा भएको थियो । तीनै तौल समुहमा ३० जना खेलाडी प्रतियोगितामा सहमागी भएको कार्यक्रम संयोजक विशाल बर्देबाले बताए । उद्घाटन कार्यक्रम आयोजक समितिका सचिव सागर भट्टराईले सञ्चालन गरिएको कार्यक्रम उपाध्यक्ष अर्जुन राईले स्वागत गरेका थिए ।
गाउँघरमा साथिभाईवीच रमाइलोको लागि पञ्जा (हात) लडाइ खेलिने खेल अचेल प्रतियोगिता हुन थालेको छ । पथरीशनिश्चरेमा पहिलो पटक अयोजित पञ्जा लडाइ खेल हेर्न स्थानीय बासिको बाक्लो उपस्थिति रहेको थियो । कार्यक्रममा आफूले चाहेको खेलाडीहरुको लागि हुटिङहुँदा कार्यक्रम थप रोमाञ्चक देखियो ।
